An Akan(Fante) Poetry: NYAME AYƐ BI

    0

    1. Osikanyi a edze edziban esi w’enyim,
    Akeka abobᴐ’m na iridzi no hamham,
    Ndɛ enya bi ridzi yi
    ᴐkyena ennya bi enndzi a
    Nna rubu Nyame enyimtsia
    Kae dɛ, Nyame ayɛ bi.

    2. Okuanyi a rudua eduadzewa
    Hwɛ mbrɛ w’enyi agye retsetsew
    Ndɛ nsu atᴐ egu do yi
    ᴐkyena nsu anntᴐ a
    Nna robᴐ Nyame sombo
    Kae dɛ, Nyame ayɛ bi.

    3. ᴐfarnyi a edze eboa kᴐ po
    Hwɛ nam akɛse a edze aba fie,
    Nye w’ebusuafo rowe’n enyigye mu
    ᴐkyena ennya bi ammba a,
    Nna rubu Nyame enyimtsia
    Kae dɛ, Nyame ayɛ bi.

    4. ᴐdzetᴐnyi a etᴐn adze
    Hwɛ mbrɛ eguadzifo ridzi’w gua ma w’enyi agye
    Osiandɛ dwɛɛtɛɛ ridzi ehurusi wᴐ wo nsamu
    ᴐkyena wᴐanntᴐ wo adze a
    Nna robᴐ Nyame sombo
    Kae dɛ, Nyame ayɛ bi.

    READ MORE:  COVID-19: Tourism Ministry Makes 4th Donation Of PPEs To GHATOF

    5. Brekyɛrnyi a reyɛ edwuma
    W’enyi agye osiandɛ akatuapa dzi ekyir
    Ndɛ enya edwuma reyɛ yi,
    ᴐkyena ennya bi a
    Nna rubu Nyame enyimtsia
    Kae dɛ, Nyame ayɛ bi.

    BY: MISS OTOO DIANA
    J. E. ATTA MILLS SENIOR HIGH
    EKUMFI OTUAM (C/R)

    LEAVE A REPLY

    Please enter your comment!
    Please enter your name here