Nteasoɔ Abaa.
ɔpaso-paso a ɔpa nwoma soɔ
ɛnyɛ n’anomɔdɛ, ne yie mu ntia.
Abɔfra sɛe a, ɔsɛe ma wo
ɛnti titya, twe abaa no.
Menya wo a, mɛyɛ wo
Ne nua ne m’ada me ho so.
Asɛm mpɛ nipa …
ɛno nti tikya, fa abaa no to hɔ.
Obi a, ɔpɛ adeɛ akɔ Kɔtɔkɔ
Yɛdi no aborɔ sɛn?
Abɔfra di yie a ɛbi ka wo.
ɛnti tikya twe abaa no.
Faako a aboa no didie
ɛhɔ ara na ɔgye boɔ.
Obi nhwɛ tumm ntia mu
ɛnti tikya, fa abaa no to hɔ.
Nkwan yɛ dɛ a
ɛta ano sa bi nom.
Wopɛ no yie a, wobrɛ.
ɛnti tikya, twe abaa no.
Nsuo yiri, yiri, yiri a
ɛyiri fa obusuefoɔ
Wo ne wo tiboa nkasa
Na fa abaa no to hɔ, tikya.
Mmaa ahe na woanyeɛ
Antwe wo amfiri bɔne ho?
Abɔfra anhu daakye a, ɛfiri wo.
ɛnti tikya, twe abaa no.
Aboa no nya wo na ɔnka wo a
ɔnnwene ne se nkyerɛ wo.
Sɛ wo nsa bɛkɔ w’ano daa nti
Tikya e, fa abaa no to hɔ.
Agyimisɛm bata abɔfra koma ho
Nteasoɔ abaa na yɛde yi ma no.
Aboa no anha wo a, wonsɛe ne bɔn
ɛnti tikya, twe abaa no.
Dua a ɛnya wo a ɛbɛwɔ w’ani no
Yɛtu aseɛ na yɛnsensene so.
Bɔ me na menni, na anka me ɛ?
ɛnti tikya, fa abaa no to hɔ.
Yɛnni nam nya gya.
Yɛnkwati kokuromoti, mmɔ pɔ
Abateteɛ ne abaabɔ na ɛnam
ɛnti, tikya, twe abaa no.
Din-bɔ antumi wo a
ɛtete wo ntoma
Akyekyedeɛ pɛ ne mogya dodoɔ a
Yɛde nsuo fra mu ma no.
Otumifoɔ tumi wo a
ɔworɔ kawa fa w’abatiri.
Yɛtu fo, na yɛntu hyɛberɛ.
Tikya e, fa abaa no to hɔ bɔkɔɔ.
Boat.
Presec, Berekum.
